Ալբերտ Խառատյան

Վիքիպեդիայում կան հոդվածներ Խառատյան ազգանունով այլ մարդկանց մասին։

Ալբերտ Խառատյան
Ծնվել է	սեպտեմբերի 24, 1939(1939-09-24) (85 տարեկան) Երևան, Հայկական ԽՍՀ, ԽՍՀՄ
Քաղաքացիություն	Հայկական ԽՍՀ և  Հայաստան
Մասնագիտություն	բանասեր և պատմաբան
Հաստատություն(ներ)	Հայկական սովետական հանրագիտարան, ՀՀ ԳԱԱ պատմության ինստիտուտ և Երևանի պետական համալսարան
Ալմա մատեր	Երևանի պետական համալսարան (1964)
Գիտական աստիճան	պատմական գիտությունների դոկտոր (1986)
Տիրապետում է լեզուներին	հայերեն

Ալբերտ Արմենակի Խառատյան (սեպտեմբերի 24, 1939(1939-09-24), Երևան, Հայկական ԽՍՀ, ԽՍՀՄ), հայ բանասեր, պատմաբան։ Պատմական գիտությունների դոկտոր (1986), պրոֆեսոր (2009), ՀՀ ԳԱԱ թղթակից անդամ (2010)։

Կենսագրություն

Ալբերտ Խառատյանը ծնվել է 1939 թվականին Երևանում։ 1964 թվականին ավարտել է Երևանի պետական համալսարանի բանասիրական ֆակուլտետը։ 1967-1973 թվականներին աշխատել է Հայկական հանրագիտարանի գլխավոր խմբագրությունում, 1973-1985 թվականներին՝ ՀՀ ԳԱԱ գիտական ինֆորմացիայի կենտրոնի, 1985-1988 թվականներին՝ Պատմության ինստիտուտի ավագ գիտաշխատող, 1991 թվականից՝ Հայ հասարակական մտքի և մամուլի բաժնի վարիչ, 1988 թվականից, միաժամանակ՝ «Լրաբեր հասարակական գիտական» հանդեսի գլխավոր խմբագիր։ 1986 թվականից դասախոսում է ԵՊՀ-ում, 2008 թվականից` ՀՀ ԳԱԱ գիտակրթական կենտրոնի լրագրության ամբիոնի վարիչ։

Աշխատանքները վերաբերում են հայ մամուլի և հասարակական մտքի պատմությանը, հայ հասարակական հոսանքների և դրանց ներկայացուցիչների բնութագրին, ինչպես և Կոստանդնուպոլսի ու Զմյուռնիայի հայ գաղթօջախների պատմության հիմնահարցերին։

Պարգևներ, մրցանակներ

• ՀՀ ԳԱԱ Պատվոգիր (1974)
• Գովեստագիր (1981)
• Համաշխարհային հայկական կոնգրեսի և Ռուսաստանի հայերի միության մրցանակ՝ «Լավագույն գիտական աշխատանք» (2008)
• Վաստակագիր (ՀՀ ԳԱԱ, 2010)
• Պողոսյան մրցանակ, 2016

Երկեր

Մենագրություններ

• Արևմտահայ հասարակական մտքի և հրապարակախոսության պատմությունից։ Երևան, 1980։
• Արևմտահայ մամուլը և գրաքննությունը Օսմանյան Թուրքիայում (1857-1908 թթ.), Երևան, ՀՀ ԳԱԱ, 1989։
• Հասարակական միտքը Զմյուռնիայում հայ մամուլում (1840-1900), Երևան, 1995։
• Օսմանյան գրաքննությունը և արևմտահայ մամուլը (1857-1896), (վավերագրեր և ծանոթություններ), Երևան, ՀՀ ԳԱԱ, 1984։
• Կոստանդնուպոլսի հայ գաղթօջախը 15-17-րդ դդ., Երևան, 2007։

Հոդվածներ

• Զմյուռնահայ լուսավորական շարժումների պատմությունից, Բանբեր Հայաստանի արխիվների, 1972, համ.1:
• Ստեփան Ոսկանյանը և զմյուռնահայ դեմոկրատները, Բանբեր Երևանի համալսարանի, 1975, համ. 1: Թուրք հեղինակների աշխատություններից։ Գիտավերլուծական տեսություն, Հասարակական գիտությունների գիտական ինֆորմացիայի կենտրոն, ՀՀ ԳԱԱ հրատ., 1979:
• Հ. Սիրունի. Պոլիսը և իր դերը, հ. 3, Անթիլիաս, 1987, գրախոս. Պատմա-բանասիրական հանդես, 1989, համ. 2:
• Արևմտահայերի ազգային սահմանադրությունը (1860-1863 թթ.), Պատմա-բանասիրական հանդես, 1992, համ. 2-3:
• Հայատառ թուրքերեն մամուլը, Լրաբեր հասարակական գիտությունների, 1995, համ. 2:
• Կոստանդնուպոլսի հայ գաղթօջախի կազմավորումը, Պատմա-բանասիրական հանդես, 1999, համ. 2-3:
• Մխիթարյանների վաղ շրջանի պարբերականները, Բազմավեպ, 2001, թիվ 1-4։
• Հայ հասարակական հոսանքները 19-րդ դ. 50-60-ական թթ., Պատմա-բանասիրական հանդես, 2006, համ. 1:
• Հայ պարբերական մամուլի պատմություն, ՀՀ ԳԱԱ հրատ., հ. 1, Կահիրե, 2006, (Արևմտահայ մամուլը 19-րդ դ., հատվածը)։